M-4 – სუბლიმატორი

ვაროსტოპი არის პროდუქტი ფუტკრისთვის ვაროატოზის პროფილაქტიკისა და მკურნალობისთვის. შეიცავს აქტიურ ნივთიერებას ფლუმეტრინი 3,6 მგ/ზოლი.

                 ვაროსტოპი

ზოგადი ცნობები:

ვაროსტოპი წარმოადგენს ფუტკრის ოჯახებში გამოსაყენებელ ფირფიტას.

თითოეული ფირფიტა შეიცავს 3,6 მგ. ±10% ფლუმეტრინს.

პრეპერატი წარმოადგენს ღია ყვითელი-კრემისფერი შეფერილობის ხის ზონარებს, სუნის გარეშე. თითოეული ფირფიტა შეფუთულია პოლიეთილენის ფოლგაში. თითოეული ინდივიდუალური შეფუთვა თავის მხრივ შეფუთულია ორმაგ ალუმინის ფოლგაში. ათი ფირფიტა პირველად შეფუთვაში მოთავსებულია მუყაოს კოლოფში.

ფარმაკოლოგიური თვისებები:

ფლუმეტრინი _ არის II ტიპის სინთეტიკური პირეტროიდი ტკიპა ვარროა დესტრუცტორ-ის ნერვულ სისტემაზე კონტაქტური, სელექციურ-შერჩევითი აკარიციდული მოქმედებით. ფლუმეტრინს გააჩნია ტკიპა ვარროა დესტრუცტორ-ის საწინააღმდეგო კონტაქტური აკარიციდული მოქმედება, რომელიც რეალიზდება ტკიპის ნერვული სისტემის პარალიზების გზით. ფლუმეტრინი მოქმედებს უშუალოდ ტკიპის ნერვული სისტემის აღმგზნები უჯრედების მემბრანაზე. იწვევს იონებში ცვლილებებს და განმეორებადი აქტივობით ახდენს ტკიპის პარალიზებას. ზონარებზე ან მათ მიღმა ფუტკრების გადაადგილებისას ფლუმეტრინი ეკრობა მათ სხეულებს. სოციალური კონტაქტისას გადააქვთ სხვა ფუტკრებთან. ამ გზით ფლუმეტრინი მექანიკურად გადანაწილდება ფუტკრის ოჯახის ინდივიდებზე და ახდენს აკარიციდულ მოქმედებას ტკიპა ვარროა დესტრუცტორ-ზე. ვაროსტოპს არა აქვს უარყოფითი ზეგავლენა ფუტკრის ოჯახების განვითარებაზე, დედა ფუტკრის კვერცხმდებლობის უნარსა და ფუტკრის ბარტყზე.

გამოთავისუფლების პერიოდი:  არ არის არსებითი, ვინაიდან პრეპარატი ვაროსტოპი არ გამოიყენება თაფლის აღების (ღალიანობის) პერიოდში.

გამოყენების წესი:

პრეპარატი ვაროსტოპი გამოიყენება ფუტკრის ოჯახებში ვაროატოზის დიაგნოსტიკის, პროფილაქტიკისა და მკურნალობისთვის.

ვაროსტოპის ფირფიტები  გამოიყენება ფუტკრის სკებში.

ვაროსტოპი გამოიყენება:

–              ადრეულ გაზაფხულზე, როდესაც ფუტკრების ოჯახებში არ არის დიდი ფართობი დაკავებული ფუტკრის ბარტყით.

–              ზაფხულში ივლისის ბოლოს _ აგვისტოს დასაწყისში, როდესაც შეზღუდულია დედა ფუტკრების კვერცხმდებლობა და ბარტყებიანი ფართობი მცირეა, ხოლო დანარჩენი ფართობი სავსეა თაფლით და მდედრი ტკიპების უმეტესი ნაწილი ფუტკრებზე იმყოფება.

–              შემოდგომაზე _ სექტემბერ-ოქტომბერში, როდესაც ფუტკრის ბარტყიანი ფართობი პროგრესულად მცირდება. ვაროსტოპი გამოიყენება უშუალოდ თაფლის ცენტრიფუგაციის შემდეგ.

შეფუთვას ხსნიან უშუალოდ გამოყენების წინ. ფირფიტას ათავსებენ ჩარჩოებს შორის კორპუსის ცენტრში; თითო ფირფიტას ორი ჩარჩოს გამოტოვებით და დატოვებენ 35 დღით, არა უმეტეს 6 კვირისა.

დოზირება: დოზირება დამოკიდებულია ფუტკრების ოჯახის სიძლიერესა და დაავადების სიმწვავეზე:

პროფილაქტიკისათვის გამოიყენება _ 1-2 ფირფიტა.

მკურნალობისათვის _ სუსტი ოჯახები _ 1-2 ფირფიტა; ნორმალურად განვითარებული და ძლიერი ოჯახები _ 2-4 ფირფიტა.

ვაროატოზის დიაგნოსტიკისათვის სკის ფსკერზე ათავსებენ თეთრი ფერის ქაღალდს 24 სთ-ით.

გვერდითი მოვლენები: არ აღინიშნება.

უკუჩვენება: არ გამოიყენება თაფლის შეგროვების (ღალიანობის) პერიოდში.

პირადი პროფილაქტიკის ზომები:

პრეპარატით მუშაობისას აუცილებელია პირადი ჰიგიენისა და უსაფრთხოების ზოგადი წესების დაცვა, რომელიც მიღებულია ცხოველთა სამკურნალო საშუალებების გამოყენებისას.

შენახვა: ვაროსტოპი ინახება 15-300ჩ ტემპერატურაზე ორიგინალურ შეფუთვაში 40-60 ჰაერის ტენიანობის პირობებში, მზის სხივების პირდაპირი ზემოქმედებისაგან დაცვით.

ვარგისიანობის ვადა: ორი წელი შენახვის პირობების დაცვით.

მწარმოებელი: შ.პ.ს. “პრიმავეტ-სოფია”, ბულგარეთი, ქ. სოფია, სლივნიცას ბულ. #211ა.

ფლუვალიდეზი, 10 ფირფიტა.

ფუტკრის ვაროატოზის, აკარაპიდოზის და ცვილის ჩრჩილის სამკურნალოდ და პროფილაქტიკისთვის.

გამოყენების წესი და დოზირება: ფუტკრის ოჯახს ამუშავებენ გაზაფხულზე (პირველი ხილვის შემდეგ) და ზაფხულ – შემოდგომის პერიოდში (თაფლის გამოწურვის შემდეგ). 10-12 ჩარჩოიან სკაში თავსდება 2 ფირფიტა: 1 ფირფიტა მე-3-4, ხოლო მეორე მე-7-8 ჩარჩოებს შორის. პატარა ოჯახში (6 ჩარჩომდე), ნაყარში და ნუკლეუსში საკმარისია 1 ფირფიტა, რომელიც თავსდება ბუდის ცენტრში მე-3-4 ჩარჩოებს შორის, ფირფიტის დასაფიქსირებლად გამოიყენება საკანცელარიო სამაგრი, რომელსაც უყრიან სარჭს (ხის ან წვრილი მავთულის ნაჭერს). ფირფიტა მაგრდება ბუდის ცენტრში ვერტიკალურად და რჩება სკაში 3-დან 30 დღემდე, ფუტკრის ოჯახის სიძლიერისა და გადაბეჭდილი ბარტყის რაოდენობიდან გამომდინარე.